ولدیت ِ حضرت عیسٰی اور حضرت مریم علیہ السلام کی بن بیاہی ماں کے تصور پر قرآنِ کریم خاموش کیوں؟

ولدیت ِ حضرت عیسٰی علیہ السلام اور حضرت مریم علیہ السلام کی بن بیاہی ماں کے تصور پر قرآنِ کریم خاموش کیوں؟

   کا جواب۔ ایک تحقیقی مکالہ

Asif Bhatti by

باسمِ ربی۔ ہمارے محترم بھائی محمد حنیف صاحب کے بقول """جو سوال کیا علامہ پرویز صاحب سے اُس کا مدلل جواب ملا۔ سوائے دو سوالات کے ۔

سوال نمبر ۱۔۔۔ ایک بار میں نے پوچھا ۔ بابا جی آپ کہتے ہیں اللہ اپنی سنت نہیں بدلتا۔ تو کیا انسانوں سے بات کرنا خدا کی سنت ھے۔ اور اگر نہیں تو کیا یہ سارے انبیاء علیہ السلام انسان نہ تھے۔ اور ان انبیاء علیہ سلام سے براہ راست بات، کیا سنت اللہ میں اپنی منشاء کے ساتھ تبدیلی نہیں؟

جواب

میرے محترم برادر محمد حنیف صاحب ناجانے کس ترنگ میں یہ فرما گئے کہ کیا سنت اللہ میں اپنی منشاء کے ساتھ تبدیلی نہیں؟ حالانکہ قرآنِ کریم کی آیت کریم کس ایمان افروز انداز میں منشاء ربی کی نقاد ھے۔ سورہ الشوریٰ میں فرمایا کہ

 وَمَا كَانَ لِبَشَرٍ أَن يُكَلِّمَهُ اللَّـهُ إِلَّا وَحْيًا أَوْ مِن وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ ۚ إِنَّهُ عَلِيٌّ حَكِيمٌ ﴿٥١﴾۔

ترجمہ۔۔۔ کسی بشر کا یہ مقام نہیں ہے کہ اللہ اُس سے روبرو بات کرے اُس کی بات یا تو وحی (اشارے) کے طور پر ہوتی ہے، یا پردے کے پیچھے سے، یا پھر وہ کوئی پیغام بر (فرشتہ) بھیجتا ہے اور وہ اُس کے حکم سے جو کچھ وہ چاہتا ہے، وحی کرتا ہے، وہ برتر اور حکیم ہے (51)۔ از مولانا مودودی

اب یہ بات تو بتاتے ھوئے مجھے خود شرم آ رہی ھے کہ میں آپ کو یہ بھی بتاوں کہ وحی کے لئے خدا خود کسی کو منتخت کرتا ھے۔ سورہ البقرہ میں ھے کہ

مَّا يَوَدُّ الَّذِينَ كَفَرُوا مِنْ أَهْلِ الْكِتَابِ وَلَا الْمُشْرِكِينَ أَن يُنَزَّلَ عَلَيْكُم مِّنْ خَيْرٍ مِّن رَّبِّكُمْ ۗ وَاللَّـهُ يَخْتَصُّ بِرَحْمَتِهِ مَن يَشَاءُ ۚ وَاللَّـهُ ذُو الْفَضْلِ الْعَظِيمِ ﴿١٠٥﴾۔

ترجمہ۔۔۔ یہ لوگ جنہوں نے دعوت حق کو قبول کرنے سے انکار کر دیا ہے، خواہ اہل کتاب میں سے ہوں یا مشرک ہوں، ہرگز یہ پسند نہیں کرتے کہ تمہارے رب کی طرف سے تم پر کوئی بھلائی نازل ہو، مگر اللہ جس کو چاہتا ہے، اپنی رحمت کے لیے چن لیتا ہے اور وہ بڑا فضل فرمانے والا ہے (105)۔

 مزید ریفرنسز کے لئے علامہ پرویز صاحب کی کتاب مفہوم القرآن کے صفحہ ۱۳۸۲ پر ۷ دیگر حوالے آپ کو جواب دینے کے لئے مستعد ہیں۔ یہ ھے سنت اللہ کہ وہ جس کو چاھتا ھے اپنی رحمت سے نوازنے کے لئے چن لیتا ھے۔ آپ کے پہلے سوال پر علامہ صاحب آپ کے قرآنی علم سے اس قدر متاثر ھوئے ھونگے کہ انہوں نے چپ سادھ لینا ہی بہتر جانا ھو گا۔

ویسے منشاءاللہ کے حوالے سے علامہ پرویز صاحب مرحوم کی وضاحت اُن کی ہر کتاب میں مل سکتی ھے۔ آپ کو نہیں ملے تو اس کو بدقسمتی کے سوا اور کیا کہا جا سکتا ھے۔ میرے محترم برادر ذرا غور کریں۔ بڑی واضح صدر آیت ھے۔ جو یہ بتاتی ھے کہ منشاء اللہ کیا ھے۔

،،،ثم تتفکرو۔ ،،،

سوال نمبر ۲۔۔۔ دوسرا سوال یہ تھا کہ نزول قرآن کے وقت یہ عقیدہ عام تھا کہ عیسٰی علیہ السلام اللہ کے بیٹے ہیں۔ مریم صادقہ بن بیاہے ان کی ماں بن گئی ہیں۔ ایسے عقیدے کی موجودگی میں آخر کیوں پورے قرآن میں اس واحد نبی کو اپنی ماں کے نام سے پکارا گیا؟

قرآنِ کریم میں بار بار "عیسٰی ابنِ مریم" کے الفاظ اس عقیدے کو مضبوط کرتے ہیں یا رد کرتے ہیں؟

میرےان سوالات کے جواب پرویز علیہ رحمتہ نے خاموشی اختیار کی اور میں تشنہ و ناکام واپس لوٹ آیا۔ اور پھر۱۹۸۵میں ہم اس عظیم انسان سے محروم ھو گئے۔""" یہ ہی دو سوالات میں آج تک ہر انسان سے کرتا ھون جس سے مجھے توقع ھوتی ھے لیکن مجھے اس کا شافی جواب نہیں ملتا۔ اس کے بعد عربی سیکھی۔ قرآنِ کریم کو اپنی فہم سے سمجھنے کی کوشیش کی۔ اپنے اسلاف کے اس لٹریچر کو پڑھا۔ جسے لوگ عجمی سازش، یہودی ایجنٹ اور نہ جانے کیا کیا کہہ کر پکارتے ہیں۔

جواب

پیارے بھائی محمد حنیف صاحب چلئیے دیکھتے ہیں کہ کیا قرآنِ کریم خاموش ھے یا اُس نے تمام بات کو پایہ ثبات تک پہنچا دیا ھے اور علامہ پرویز صاحب نے آپ کے سوالات کرنے پر چپ کیوں سادھ لی تھی۔  حالانکہ جن علماء دین نے دینِ اسلام پر ایک منفرد اور اچھی تحقیق پیش کی علامہ پرویز صاحب کا نام اُن مین بڑے ادب سے لیا جاتا ھے۔ علامہ پرویز صاحب کی  کتاب شعلہ مستور کا ایک لنک پیش کر رہا ھوں جو یہ بتائے گا کہ علامہ پرویز صاحب  نے آپ کے سوالات پر چپ کیوں سادھ لی تھی۔

http://www.tolueislam.org/Urdu/sm/sm_ch_02.djvu

۔

جہاں تک میں علامہ پرویز صاحب سے واقف ھوں تو میں یہ جانتا ھوں کہ علامہ پرویز صاحب اپنی بات کہہ دینے کے قائل تھے۔ بار بار تنقید و جبر اُن کو پسند نہ تھا۔ یہی وجہ تھی کہ بقول آپ برادر محمد حنیف صاحب، جب انہوں نے آپ کو ایک مرتبہ تاکید کر دی کہ آپ اُن کی کتب کا مطالعہ کر لیں۔ تو بغیر مطالعہ کئے ایسے سوالات کرنے سے علامہ پرویز صاحب کو حیرت و صدمے اور تاسف نے آ گھیرا۔ کہ اس قدر اچھی باتیں کرنے والا ایک با شعور و باعلم نوجوان کے اعمال کس قدر غیر ذمہ دارانہ ہیں۔ اب اور کیا کہتے۔  اُن کے لئے ماسوائے چپ بچا ہی کیا تھا۔ اگر وہ یہ کہتے کہ آپ نے شعلہ مستور پڑھے بغیر ایسے سوالات اُٹھائے ہیں باوجود اس کے کہ آپ کو تاکید کی گئی تھی کہ پہلے تمام کتب کا مطالعہ ضرور کر لیں۔ اس غیر ذمہ دارانہ طرزِ فکر و عمل پر بات کرتے تو یہ ایک فضول بحث ھوتی۔ جو اُن کے شایانِ شان ہرگز نہ ھوتی۔ 

·                     خیر ممکن ھے کہ علامہ پرویز صاحب کی کوئی دوسری وجہ بھی چپ کی ھو۔ مگر یہ بات نہایت واضح ھے کہ علامہ پرویز صاحب نے کم ازکم حضرت عیسٰی۴ اور حضرت مریم علیہ السلام پر لگائے گئے الزامات کو بدلیل واضح کیا ھے۔ اُن کی چپ اُن کی کم علمی پر دلالت نہیں کرتی۔ اب تو محترم برادر محمد حنیف صاحب آپ ہی بتا سکتے ہیں کہ شعلہ مستور کو علامہ پرویز صاحب کی زندگی کے بعد شائع کیا گیا تھا یا وہ کتاب اُس وقت موجود تھی مگر آپ نے اُس کے مطالعہ کو ضروری نہیں جانا۔ اور انتہا یہ کر دی کہ الٹا علامہ مرحوم پر الزام تراشی کا راستہ اپنایا۔ جو آپ کی شایانِ شان ہرگز نہین۔ ثم تتفکرو۔

Shah Baba بہت شکریہ بھٹی صاحب۔۔۔ اور اس قسم کے اور بھی تمام سوالات کے جوابات بہت ھی مدلل و مفصل انداز میں Baseerat E Haq پیش کر چکے ھیں۔۔۔۔ ھم نے وہ جوابات جو کہ سائیں بابا کی پوسٹ پر دئیے گئے تھے، ان کے لکھے گئے ولادت عیسیٰ کے متعلق ایک بچگانہ مضمون پر جا کر پیسٹ کئے تو وہ کمنٹس ڈلیٹ کر دئیے گئے۔۔۔۔۔

Shah Baba شعلہ مستور۔۔۔۔۔۔ پی ڈی ایف فارمٹ۔۔۔۔
http://www.parwez.tv/ebooks/shola-e-mastoor/shola-e-mastoor.html

shola-e-mastoor by G A Parwez

www.parwez.tv

shola-e-mastoor